اختيار النيتش Niche
لكي تبدأ مجال التدوين لازم تبحث عن نقطة البداية واختيار النيتش هو بداية الطريق.
في المقال سأحاول ابسط ليك الموضوع لكي تعرف تختار النيتش اللي ستشتغل عليه والذي ستتمكن من خلاله تحقق ارباح
ولو خايف من اختيار نيتش خطأ وتفشل فانا حابب اقولك ابدأ النهارده وافشل أسرع علشان توصل للنجاح اسرع.
ماذا يعني نيتش niche
بكل بساطة النيتش هو المجال او التخصص اللي هايكون محتوي موقعك او قناتك بيتكلم عنه ومهتم بيهم ، مثل الرياضة أو الملابس أو الأكل أو الأثاث.
ماهي انواع النيش ؟
النيتش على حسب الشمولية 3 انواع
نيتش Niche هو الأكثر شمولية مثل التكنولوجيا
نيتش Sub Niche هو تخصص اكثر مثل الهواتف
نيتش Micro Niche هو الاكثر تخصصا مثل هواتف سامسونج
اعتقد انك فهمت الموضوع التكنولوجيا ... الهواتف .... هواتف سامسونج
الأثاث ... غرف نوم أطفال ... سراير أطفال اقل من عامين
وينقسم النيتش حسب محتواه الي 3 انواع
1- نيتش الموضوعات: هو نيتش يختص بكل جوانب و مشكلات موضوع معين مثل السفر ( أفضل الأماكن للسفرو تكاليف السفر ..... )
2- نيتش الأشخاص: نيتش يهتم بكل حاجه خاصة بفئة اشخاص معينه مثل الأمهات والطلاب والمهندسين و .....
3- نيتش المنتجات والخدمات: نيتش يختص بكل ما يتعلق بنوع منتجات معينة أو خدمات معينة مثل البرمجة والملابس و ...
كيفية اختيار النيتش المناسب ؟
لو تتخيل انك ستذهب لاي حد تسأله اشتغل علي أي نيتش ويقولك اشتغل في كذا يبقي انت مخطأ.
كل اللي يقدر يساعدك بيه هو يقولك ازاي تفكر في اختيار النيتش .. تعالي نفكر مع بعض
اللغة: لو انت جيد في اللغة الانجليزية بدون تفكير اشتغل محتوي اجنبي
صناعة المحتوي الاجنبي سهلة والتسويق اسهل والارباح اكثر وقوة الشراء اعلي ولكن المنافسة اصعب
وطبعا لو اللغة عائق امامك يبقي عليك والمحتوي العربي فالمنافسة سهلة وصناعة المحتوي أسهل
المعرفة: حدد المجالات اللي بتحبها واللي عندك معلومات قوية فيها و جاهز انك تتعلم وتتفوق علي الجميع علشان تكون متميز
التخصص: مهم جدا يكون النيتش اكثر تخصصا وليس عام
المنافسة: ابحث جيدا عن نيتش تكون المنافسة فيه سهلة
الجمهور: يجب ان يكون النيتش في مجال له جمهور كبير وعليه بحث مناسب
الأرباح: اكيد طبعا لازم تفكر في نيتش تقدر تحقق منه ارباح
لا تقلق انا عارف السؤال الذي يدور في ذهنك حاليا
كيفية البحث عن نيتش مربح ولديه جمهور والمنافسة عليه سهلة ؟
حاول تقرا السؤال التاني وتسأل نفسك هل فعلا ممكن يكون في نيتش مربح وله جمهور والمنافسه سهلة !!
1-ابحث في منصات بيع المواقع الالكتورونية
هناك منصات يتم فيها بيع المواقع الالكترونية واللي طبعا هاتعرف معظم تخصصات المواقع ايه وكمان هاتعرف معدل الارباح ليها مثل موقع Flippa
ابحث في امازون وغيرها عن المنتجات الاكثر مبيعا
2-ابحث عن الكلمات الرئيسية للنيتش
حدد اهم المنافسين في النيتش وحلل مواقعهم واستخرج اهم الكلمات المفتاحية
بعد ذلك حلل الكلمات المفتاحية لكي تقدر تتعرف علي حجم البحث
ثم حلل محتوي المنافسين واتعرف علي قوة المنافسة ودرجة سهولة وصعوبة المنافسة في هذا النيتش.
طبعا أداة عندما نذكر اي جزء خاص بالمحتوي لابد ان نفكر في أداة GuinRank فهي تضمن لك كل ماهو متعلق بالمحتوي
3-ابحث جيدا علي المشاكل والموضوعات التي يحتاج الناس للعثور على إجابات لها والأهم اكتشاف الكلمات المتعلقة بالشراء والتي من خلالها يمكنك تحقيق الارباح.
** نصيحة بسيطة .. ابتكر نيتش **
ماهي افضل النيتشات ؟
لن أجيبك علي السؤال ده لاسباب كتيرة بس هاقولك علي نيتشات تستحق الاهتمام
نيتش الأطفال: عارف كام طفل موجود ؟ عارف يعني ايه تنشأ محتوي بيتكلم عن كل مايخص الاطفال ورعايتهم وحلول لمشاكلهم وكمان بيع منتجات متعلقة بيهم
نيتش الصحة: وهل هناك اهم من الصحة والرعاية الصحية وبيع المنتجات المتعلقة بها وكذلك الكتب والمكملات الغذائية (محتاجة متخصص مثل الاطباء).
نيتش التخسيس واللياقة البدنية: يمكن هو جزء من الصحة ولكن اعتقد انك عارف اهميته وكمان ممكن تربح منه كتير
العناية بالبشرة والشعر وادوات التجميل: اعتقد مش محتاج اوضح ليك حجم البحث والارباح لبيع المنتجات
الربح من الانترنت و الربح من الاستثمار
نيتش التقنية و التكنولوجيا
نيتش تطوير الذات
نيتش مراجعة المنتجات
** كن مبدعا وابتكر النيتش الخاص بيك
اعتقد انك دلوقتي تقدر تبحث عن النيتش وتحدد اهدافك وتبدأ
بس فيه نصيحة صغيرة (تحقيق الارباح بيعدا عن أدسنس كتير علشان كده وانت بتختار النيتش ابحث كويس جدا عن ازاي تربح منه بجانب اعلانات ادسنس)
بعد اختيار النيتش المناسب تقدر تراجع علي شروحات الخطوات التالية
1-اختيار الدومين
2-لو بتفضل انك تشتري دومين قديم
3-اختيار نظام ادارة المحتوي
4-اختيار الاستضافة
اذا في اي معلومة محتاج تضيفها ياريت تشاركنا بيها وكمان شاركنا تجربتك في اختيار النيتش